Louis PasteurKk LWi2 b 8000Ss P B EeOo S 123 D l Vvsrc waap
Louis Pasteur nyaéta ahli mikrobiologi jeung ahli kimia ti Perancis.[1] Lahir tanggal 27 Désémber 1822. Kasohor ku masarakat alatan ngamekarkeun inokulasi kuman panyakit nu ngbalukarkeun ayana vaksin munggaran nyaéta vaksin rabiés.[1]
Pasteur ngamimitian karirna dina widang fisika di salah sahiji sakola lanjutan.[1] Dina umur nu ka-26 taun geus jadi profesor di Universitas Strasbourg tuluy pindah ka Universitas Lille.[1] Timuan panggedéna dina widang kimia nyaéta molékul asimétris jeung polarisasi cahya.[1] Salian ti éta, Pasteur ogé nalungtik masalah sipat asam tartrat dina taun 1849.[1] Tésis doktorna kristalografi ngajadikeun Pasteur profesor kimia di Univérsitas Strasbourg.[1] Taun 1857 diangkat jadi diréktur ilmiah studi ngeunaan École Normale Supérieure.[1] Dina tanggal 20 April 1862 Pasteur jeung Claude Bernard ngahasilkeun hiji prosés nu disebut pasteurisasi tina panalungtikanana ngaliwatan susu nu dipanaskeun nu ngabalukarkeun baktéri nu aya dina éta susu paraéh.[1]
Taun 1870-an, Pasteur ngagunakeun métode imunisasi pikeun panyakit anthrax nepi ka ngahudang élmuan lianna pikeun néangan hal nu sarupa pikeun panyakit nu sipatna endemik.[1] Pasteur ogé nyampurnakeun vaksin rabiés nu diciptakeun ku Emile Roux nu dijadikeun dadasar pikeun vaksin nu lian saperti polio, cacar, jeung tetanus.[1] Ti mimiti taun 1888 karya Pasteur dituluykeun di Institut Pasteur di Paris. Taun 1895 Pasteur dilélér Medali Leeuwenhoek dina widang mikrobiologi.[2] Tilar dunya dina taun 1895 alatan struk ti taun 1868.[2] Dimakamkeun di Katedral Notre Dame.[2] Tuluy layonna diteundeun di ruang bawah tanah Institut Pasteur Paris.[2]
Referensi[édit | édit sumber]
- ↑ a b c d e f g h i j k Louis Pasteur (Diakses tanggal 9 Nopember 2011) (en)
- ↑ a b c d Pasteur (Diakses tanggal 9 Nopember 2011) (en)
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
